‘The Daft Days’ (1772) by Robert Fergusson

Ear Read This

Content provided by Ash Caton. All podcast content including episodes, graphics, and podcast descriptions are uploaded and provided directly by Ash Caton or their podcast platform partner. If you believe someone is using your copyrighted work without your permission, you can follow the process outlined here https://staging.podcastplayer.com/legal.

4M ago 30:49

MP3•Episode home

S3E97 Iconic Edinburgh poet Robert Fergusson is the subject of today's podcast, as Ash looks at his breakthrough poem, 'The Daft Days':
Now mirk December’s dowie face
Glowrs owr the rigs wi sour grimace,
While, thro’ his minimum of space,
The bleer-ey’d sun,
Wi blinkin light and stealing pace,
His race doth run.

From naked groves nae birdie sings,
To shepherd’s pipe nae hillock rings,
The breeze nae od’rous flavour brings
From Borean cave,
And dwyning nature droops her wings,
Wi visage grave.

Mankind but scanty pleasure glean
Frae snawy hill or barren plain,
Whan winter, ‘midst his nipping train,
Wi frozen spear,
Sends drift owr a’ his bleak domain,
And guides the weir.

Auld Reikie! thou’rt the canty hole,
A bield for many caldrife soul,
Wha snugly at thine ingle loll,
Baith warm and couth,
While round they gar the bicker roll
To weet their mouth.

When merry Yule-day comes, I trou,
You’ll scantlins find a hungry mou;
Sma are our cares, our stamacks fou
O’ gusty gear,
And kickshaws, strangers to our view,
Sin fairn-year.

Ye browster wives, now busk ye braw,
And fling your sorrows far awa;
Then come and gie’s the tither blaw
Of reaming ale,
Mair precious than the well of Spa,
Our hearts to heal.

Then, tho’ at odds wi a’ the warl’,
Amang oursels we’ll never quarrel;
Tho’ Discord gie a canker’d snarl
To spoil our glee,
As lang’s there’s pith into the barrel
We’ll drink and ‘gree.

Fidlers, your pins in temper fix,
And roset weel your fiddle-sticks;
But banish vile Italian tricks
Frae out your quorum,
Not fortes wi pianos mix –
Gie’s Tulloch Gorum.

For nought can cheer the heart sae weel
As can a canty Highland reel;
It even vivifies the heel
To skip and dance:
Lifeless is he wha canna feel
Its influence.

Let mirth abound, let social cheer
Invest the dawning of the year;
Let blithesome innocence appear
To crown our joy;
Nor envy wi sarcastic sneer
Our bliss destroy.

And thou, great god of Aqua Vitae!
Wha sways the empire of this city,
When fou we’re sometimes capernoity,
Be thou prepar’d
To hedge us frae that black banditti,
The City Guard.

Title Music: 'Not Drunk' by The Joy Drops. All other music by Epidemic Sound.

@earreadthis

[email protected]

facebook.com/earreadthis

161 episodes

#Books #Arts #William Shakespeare #Ash Caton #History

‘The Daft Days’ (1772) by Robert Fergusson

Ear Read This

published 4M ago